Hyttegutten i Bergen

ég hustla DAGLEGA!!!

2007-05-26T11:46:00.000Z

Til þeirra áttu afmæli í gær, þ.á.m. Teitur, Tinna Guðrún, Liv Marit, Tale og Pol Pot. Vonandi hafðiði átt góðan og óska ég öllum góðrar helgar.

Rick Ross vs. Simian Mobile Disco - Hustlin´ Hustler
(búmmbúmmdansidans)

Pardon

2007-05-06T10:11:00.002Z

Ohhh. Núna er byrjað að rigna aftur og það lítur út fyrir að það haldi áfram þangað til næstu helgi. Í gær var aftur á móti sól og blíða og tók ég þess vegna nokkrar myndir í bænum (og sjálfum mér). Eftir bæjarferðina mína fór ég heim til Ingþórs og Ollu í mat. Þar smakkaði ég í fyrsta skipti síðan ég man eftir mér BANANA. Þessi banani var reyndar fylltur með súkkulaði og var látinn liggja smástund á grilli en engu að síður banani fyrir vikið. Og hvernig fór bananinn í mig? Bara vel og það er víst að ég láti þá verði fleiri en pulsurnar á grillinu í sumar (af því að ég er svo mikill grillkall). Þúsund þakkir fyrir mig Ingþór og Olla. Ég verð að koma því að hérna að ef að ég hefði ykkur ekki hérna í Bergen þá veit ég ekki hvernig ég hefði komið mér fyrir hérna og að vita það maður getur leitað til ykkar er e-ð sem mér þykir afar vænt um.
Sjáum til. Í dag er 6. maí og það þýðir að það er innan við mánuður þangað til ég kem heim og byrja að vinna í Mastercard. Vá skólaárið að verða búið. Þessi færsla líka. Hérna koma myndirnar og kannski smá lagaskammtur:

Lagaskammturinn að þessu sinni er platan Reach Out með Burt Bachrach (ein af mínum allra uppáhalds!). Ég tók þetta upp í fyrra áður en ég fór út og plötuspilarinn var e-ð farinn að gefa sig og þess vegna er heyrist betur í annarri rásinni en hinni. Engu að síður er þetta frábær plata og þeir sem eru að lesa undir próf núna ættu að setja þessa á.

Burt Bacharach - Reach Out (Hlið 1)
Burt Bacharach - Reach Out (Hlið 2)

(síðasta myndin er af húsinu sem ég kem til með að flytja í næsta haust)

villtu komad kella nej el har ekki aohula

2007-04-30T13:59:00.000Z

Jæja í dag er mánudagur og hér er 20 stiga hiti í Bergen og engin nema ég og daninn sem að sitjum og erum að klára verkefni dagsins vegna þess að við sváfum aðeins lengur í morgun. Síðasta laugardag kom ég heim úr Lemstove-túrnum með bekknum mínum sem að var fimm dagar. Fimm dagar af rigningu og drullu og unnið allan daginn (ótrúlegt hvað fólk heldur alltaf að skólaferðalög séu fyllerí). Meira um laugardaginn því að þá fór ásamt flokki norðmanna á tónleikakvöld Powerblytt records. Þeir sem að voru að spila voru Chromeo, SebastiAn, I´m from Barcelona, Lo-Fi-Fnk, Pleasure, Lonely Dear, The Earlies, Mr. Flash og Krazy Baldhead. Þetta var heljarinnar fjör en ég er farinn verða soldið þreyttur á því að mæta á tónleika og hljómsveitin/listamaðurinn dj-ast bara og spila ekki endilega lög eftir sig, sérstaklega þegar maður er að borga verð eins og á venjulega tónleika. Í dag eru einungis 3 þrjár vikur síðan ég var á Íslandi og í dag eru 4 vikur þangað til ég kem aftur. Mér finnst tíminn kjánalega fljótur að líða sérstaklega þar sem mér finnst eins og árið sé rétt byrjað. Að lokum vil ég segja að Palli Kri er með fallegustu augu sem ég hef séð og Hjöbbi er sætari en Nonni (en Nonni er samt falleg sál)

Bee Gees - To Love Somebody (einu sinni voru Gibb bræður ekki diskó, jafnvel betri þá)
Bill Withers - Hello Like Before (Þessi maður er með frábæra rödd, segi ekki meir)
Bill Withers - Can We Pretend
Bill Withers - Lovely Day (sumarsumarsumarsumarsumarsumar)
Midlake - Young Bride (einu sinni var ég giftur, núna borga ég meðlög)
The Isley Brothers - Summer Breeze (klakavatn með sítrónum sllleeffff)
Kylie Minouge - Love At First Sight (ef þið viljið ekki henda bókunum í ruslið og fara út í sumarið við að hlusta á þetta lag þá eruð þið gotharar)

Dungen - En Gång i År Kom det En Tår (fyrir þá sem vilja ekki sumar núna og gráta sig í svefn vegna prófleiða)

P.s. Sigga frænka, ef þú ert að lesa. Láttu þér batna og ég vona að þú fílir lagaskammtinn að þessu sinni

Zzzzzzzzz.......

2007-04-14T17:31:00.000Z

Obbosí mánuður síðan ég skrifaði síðustu færslu. Gæti sagt margt og mikið en nenni ekki skrifa mikið núna. Mig langar helst bara að segja að ég þjáist af svefnröskun og ég sá eina bestu mynd lífs míns áðan þ.e. Science of Sleep með Gael Garcia Bernal (stelpur þið vitið hver það er, stubburinn sem að hefur sést oft á Kaffi Cultura og Vesturbæjalauginni og einnig gaurinn sem að stal Natalie Portman frá mér) og dóttur Serge Gainsbourg í aðalhlutverkum. Kannski eitt lag fái að fljóta með...

Cornelius - Sleep Warm

Af hverju fórstu frá mér????

2007-03-14T22:42:00.000Z

Af hverju Hjörvar? Smellynicegirl og Anita sakna þín svakalega mikið og núna hættir ekki að rigna. Já þessi helv. rigning hættir ekki. Ég hef ekki látið hana farið í taugarnar á mér fyrr en nú. Og ekki nóg með að veðrið sé ömurlegt því að þá eru öll verð að hækka hérna, rafmagn og leiga o.s.frv. og LÍN er ekkert sérstaklega að sterkur bakhjarl í því að halda manni gangandi. RARRR nóg komið með neikvæðar yfirlýsingar. Það sem er jákvætt er að einungis 16 dagar (næstum 15) eru þangað til ég kem heim í páskafrí og ég get ekki beðið. Hvað ætla ég að gera þegar ég kem heim? Til að byrja með að halda upp á 50 ára afmæli Magnapabba sama dag og ég kem heim, síðan verða ÖRLÖGIN að ráða restinni. Allir sem að vilja tjútta og göltrast (eða kela) með mér hafa samband við mig um leið og ég stíg út úr SAS flugi SK 4787. Af skólanum er það að frétta að verkefnið sem er út mánuðinn er komið í gang en ekki ég. Það heitir Rom for vener (verðlaun í boði fyrir þann sem að þýðir þetta fyrst/ur). Ég er reyndar soldið skotinn í þeirri hugmynd að byggja "tréhús" með gott útsýni og staðsetningu ekki svo langt frá miðbænum (staðurinn heitir Galgebakken og er á Nordnes. Þar fóru fram hengingar fyrr á öldum). Því miður er netið mitt e-ð bilað núna svo ég get ekki hent lögum í þetta skiptið en staðinn ætla ég að setja playlistann af disknum sem að ég skrifaði dag og á að haldast út verkefnið. (jafnvel að ég hendi þeim öllum inn þegar tækifæri gefst)

1. Motion Boys - Waiting to Happen
2. María Baldursdóttir - Vinur
3. The Supremes - Stop In The Name of Love
4. Belle & Sebastian - Song For Sunshine
5. Zero 7 - Somersault (Hot Chip remix)
6. Sergio Mendes & the Brazil 66 - Cinnamon & Clove
7. Röyksopp - Remind Me (live from Oslo ´05)
8. Sugarhill Gang - Passion Play
9. Dionne Warwick - Loneliness Remembers What Happiness Forgets
10. The Delfonics - La la la Means I Love You
11. The Whispers - It´s A Love Thing
12. Detroit Spinners - I´ll Be Around
13. Motion Boys - Hold Me Closer To Your Heart
14. Idris Muhammed - Could Heaven Ever Be Like This
15. Shuggie Otis - Aht Uh Mi Hed
16. Todd Rundgren - A Dream Goes On Forever

P.s.
Smá video fyrir alla kattareigendurnar

bíddu bíddu !!! er kominn mars?

2007-02-28T22:55:00.000Z

Jæja Febrúar búinn og í dag skilaði ég og kynnti verkefni mánaðarins: Rom for å möte ukjente (ísl. rými til að hitta ókunnuga). Ég er feginn að vera búinn með þetta verkefni enda fór mikill tími í það og gekk það ágætlega þ.e. kennararnir voru frekar sáttir fyrir utan 2 smáatriði. Framundan eru minni verkefni og næsta stóra verkefni þ.e. marsverkefnið byrjar 9. mars, sama dag og Hjörvar kemur í heimsókn. Ætla ekki að hafa þetta neitt langt í þetta skiptið en nokkrar myndir frá því í dag fá að fylgja með og kannski smá lagaskammt:

Badly Drawn Boy - The Long Way Around The Swimming Pool
Todd Rundgren - A Dream Goes On Forever
Todd Rundgren - I Saw The Light

Rom for å möte ukjente...

2007-02-20T16:35:00.000Z

...er nafnið á nýja verkefninu mínu og er það þannig að ég á að finna almennt rými sem að mér finnst að megi bæta og koma með tillögur sem að sýna á í landslagmódeli og tilheyrandi teikningum. Núna er ég bara að reyna að fá góðar hugmyndir en þær eru e-s staðar að fela sig (þ.e. hugmyndirnar). Ég skilaði Magnapabba aftur til Íslands á mánudaginn eftir að mamma lánaði mér hann í 9 daga. Á þeim tíma sem að hann var hérna fórum við til Trysil og Osló, skipti um herbergi sem að er miklu betra, fékk sjóvarp, lenti í indversku ævintýri og fleira sem að ég man ekki eftir núna. Í Trysil fór ég á skíði í fyrsta skipti í 6 ár og hafði ég engu gleymt. Foreldrar mínir bjuggu þar árið 1984. Ég fékk þar staðfest að ég hef lifað í blekkingu í allnokkurn tíma og er ég ekki getinn í Noregi og anda ég léttar núna. Í Osló fór ég á stredderí með félögum pabba frá Osló (og pabba auðvitað líka) og einn þeir var milljónamæringur og leiddist ekkert að splæsa á okkur. Ég fór tvisvar í sleik við klósettskálina án þess að nokkur vissi og gerði mörg millilandasímtöl (Ég vil fá að heyra þetta talhólf hjá þér Silla þegar ég kem heim um páskana). Í Bergen er búið að vera vorveður síðustu daga og í dag var sól og 6 stiga hiti og ekki laust við að maður hafi komist í góðan fíling í dag. Nonni og fleiri voru e-ð ósáttir við að ég lét ekki frá mér allan sorann hérna á síðunni frá ferðinni hans hérna fyrir 2 vikum en málið er að ég sá Nonna bara voða lítið því að hann var alltaf týndur með e-i rauðhettu. Mér til huggunar kemur Hr. Hjörvar Ólafsson við hjá mér í Norðurlandareisu sinni eftir nákvæmlega 10 daga. Jæja gott í bili ég barasta
hér koma þá nokkur lög í restina.

Dungen - Familj
Skemmtlegur vorkvölds-göngustígs-dulúðar-fílingur í orgelinu hérna. Ný plata í maí jibbí jei.

Midlake - Roscoe (Beyond The Wizard´s Sleeves remix)
Upprunalega lagið er frábært en þetta remix gefur svipaðan fíling og í laginu fyrir ofan.

Francoise Hardy - Le Premier Bonheur du Jour
Einu sinni var ég voðalega sniðugur og tók þátt í remixkeppni og tók gítarriffið í byrjun og setti letilegar en þungar trommur yfir. Sem betur fer náði það ekki til margra eyrna en lagið sjálft með henni Francoise er flott og gott og ber með sér góðan vorvind

Marcos Valle - Minha Voz Virá Do Sol da América
Þessi kall verður víst að spila á Bergen Fest samt fleirum (þ.e. Pet Shop Boys og fyrrgreindum Midlake). Titilinn skil ég ekkert í en ég ætla að þýða hann lauslega "sólin sest niður hjá Ameríku".

Client - Lights Go Out (Oliver Koletzki & Florian Meindl mix)
Mr. Flagio - Take A Chance
Svo er ég að dansa mikið einn í nýja herberginu mínu við þessi lög núna. Berlinarbollu minimal + Italo disco = úje. (þegar þið hlustið á Mr. Flagio ekki svekkja ykkur ef að Herbert Guðmundson kemur upp í huga ykkar, hvað sem að það á að þýða)

-----------

Þess má geta að Hjörvar er eldgleypir og töframaður. Hann er fara ferðast um Norðurlöndin vikuna 7.-14. mars. Ef þið viljið styrkja för hans getiði ábyggilega náð honum í Lögbergi þar sem hann lætur sjá sig eftir hentisemi. Endilega hendið svona einum 500 kalli á hann svo að hann nái að komast til Finnlands en það virðist vera heitasti staður norðan Vatnajökuls þessa dagana (þá á ég við kvenfólkið, Jón Bjarni og fleiri muna væntanlega eftir Hvítu Sígarettunni frá Bergensferðinni sinni. Núna get ég ekki bullað meira um Hjöbba sem að er alltaf að væla á MSN. Hér kemur mynd, hún er ekki að Hjörvari heldur af e-m pervert með nærbuxur af gamalli konu:

Trysel her kommer jeg

2007-02-09T10:07:00.000Z

Afsakid bloggletid mitt. Januarmanudur buinn og langt lidid a februar samt finnst mer enntha eins og thad se arid 2006. Mikil verkefnavinna var i januar og henni fagnad med thvi ad troda ser inn i norræna lagaviku herna i Bergen (thad er eg fekk heimsokn fra Joni Bjarna og med honum voru Jon Skapta, Hreyzikøtturinn og Baldur pedo). Eg thakka theim herramønnum kærlega fyrir komuna og eru their alltaf velkomnir aftur. Thessa vikuna vorum vid i skolanum a svokølludum Butoh-æfingum sem ad er japønsk tjaningar/leiklist og var thad afar god tilbreyting. I dag var svo sett fyrir verkefni sem heitir "Rymi fyrir almenning/okunnuga" og a thad eftir ad standa fram i mars. Eg ætla nuna ad drifa mig i gera helgarverkefnid og hoppa svo flugvel til Osloar thar sem eg mun hitta Magnapabba og fara med honum til Trysel thar sem hann og mamma bjuggu arid 1984. Sem sagt ekkert lag/løg i thetta skiptid en eg lofa helling af theim næst. Og svo i blalokin tha er eg buinn ad henda inn myndum fyrir januarmanud og sma sidan sidustu helgi
Hafidi thad gott um helgina og farid varlega
kv.
Peturrrr

J'ai Dormi Sous L'eau

2007-01-21T14:18:00.000Z

Því miður held ég að ég geti ekki fært ykkur margar fréttir frá síðustu viku. Svefn og skóli er í rauninni allt og sumt. Reyndar get ég sagt frá því að ég fór á stredderí í lítilli seglskútu hjá Per bekkjarbróðir mínum og á sama tíma var óveður. Það var afar gaman og mikil lífsreynsla. Ég gæti þó hent inn smá myndum sem að sýna brot úr skólanum og vinnuborðið mitt þar sem ég er í miðju kafi að vinna í "baðinu". Það er kannski ekki mikið hægt að sjá á þessum myndum en svo að þið náið e-m áttum þá eru þessa plan-og snittteikningar, ljósmyndir og ýmsar skissur, plús mynd af nakinni konu þar sem við fengum módeltíma í vikunni á undan. Núna þarf ég byrja á módeli í hlutföllunum 1:20 og það ætti að taka góðan tíma þ.a. þangað til næst. Ha Det Kos!

Og að lokum þá lofaði ég vasasimfóníu og silfurhljóðum en þar sem James nokkur Murphy býr yfir mikilli skyggnigáfu og getur séð hvenær sem er hver er að dreifa óútkomnu efni frá DFA útgáfunni á bloggum eins og þessu sem getur leitt til lögsókna verðiði að sætta ykkur við einungis eitt lag af plötunni Pocket Symphony með Air. Lagið heitir Left Bank og er sérdeilis prýðilegt (eins og Maggamma myndi segja) eins og platan öll.

Air - Left Bank

P.s.

Ég er að fatta það núna að ég steingleymdi að minnast á og þakka Ollu og Ingþóri fyrir að bjóða mér heim til sín í gær í frábæran mat og kvöldstund.

Hey Shuggie! Hvernig virkar aftur þetta þarna að "sofa"

2007-01-11T14:24:00.000Z

Jebb eftir að ég áneyttist Rauðu Eðalginsengi í þeirri trú að ég væri gáfaðri og einbeittari undir áhrifum þess auk þess sem að ég prófaði snus í fyrsta skipti hef ég ekkert getað sofið síðustu viku og í gær barst mér himnasending frá pabba mínum í póstkassann minn, Imovane 7,5 svefntöflur. Ætli ég verði ekki síðan að láta allar lyfjasmakkanir mínar vera svo ég endi ekki dauður í byjun febrúar. En hvað með það? Það er byrjað að snjóa í Bergen og öll tréin í hlíðunum eru eins stráð hafi verið yfir þau flórsykri. Ég henti inn nýjum myndum síðan úr desember í gær. Megnið af þeim eru teknar af verkefnavinnuferlinu en það er samt amk ein dónaleg þarna svo allir gætu fundið sér eitthvað við hæfi. Skólalega séð erum við byrjuð á verkefni sem heitir baðið og ég skal koma með greinagóða yfirferð á því þegar ég er kominn lengra í því.
Annars ætla ég að enda þessa færslu á að kynna ykkur tónlistarmanninn Shuggie Otis. Hann var tónlistarmaður á 7. og 8. áratugnum sem að starfaði að mestu einn fyrir nokkur "studio session" hjá hinum og þessum og var honum meðal annars boðið að spila á gítar fyrir Rolling Stones. Hann varð aldrei almennilega vinsæll nema þá í Kaliforníu aðallega vegna stíl hans á plötunni Information Inspiriation frá árinu 1974 en þá tók hann alla grunnparta upp heima hjá sér með kassagítar, trommuheila og skemmtara. Ef að þessi lög hans sem að ég set hérna á síðuna ná ekki til ykkar þá þurfiði eitthvað annað en svefnpillur og ginseng, kannski jarðaber og vanillukerti ummmmmm.
Shuggie Otis - Strawberry Letter 23
Shuggie Otis - Island Letter
Shuggie Otis - Aht Uh Mi Hed

og fyrir þá sem að eru að hugsa hvað Pétur gæti komið með næst þá er ég með smá v
isbendingar: vasasimfóníur og silfurhljóð!!!

Gleðilegt ár...

2007-01-05T16:52:00.000Z

...og takk fyrir það gamla. Jæja þá er ég kominn aftur út til Bergen og skólinn strax kominn á fullt. Tilefni áramótanna ætla ég að gera smá annál af árinu 2006.

-Janúar. Úff nýársdagur var horror og ætla ég aldrei að endurtaka hann en sem betur fer gaf hann ekki dæmi hvernig árið átti eftir að verða (til að gera asnalega sögu stutta þá var ég of fullur). Iðnskólinn byrjaði á fullu aftur eftir jól og ég tók þátt í samkeppni um hönnun á sýningarbás sem að átti að vera í Laugardalshöll. Ég vann ekki en tók samt þátt í öllu ferlinu sem að stóð frá janúar fram í mars.

-Febrúar. Vinnsla á sýningarbásnum var kominn á gott ról og við það bættist að inntökuverkefnið inn í dönsku arkitektaskólana var sett á netið.

-Mars. Húbba Búbba núna var allt að fara í köku. Undirbúningurinn fyrir sýninguna var númer 1,2 og 3 og á sama tíma var inntökuverkefnið númer 1,2 og 3. Sem sagt skiladagur á inntökuverkefninu 15. mars og opnun sýningarinnar 16. mars. Þetta tókst allt og viti menn, framlag Iðnskólans hreppti 3. sæti í sérstakri hönnunarkeppni innan sýningarinnar og þarna vorum við að keppa við risastór fyrirtæki sem að lögðu margar milljónir í básana sína en við vorum rétt undir milljóninni. Helgina eftir sýninguna var svo ráðist í það að safna saman góðum verkum til þess að setja í eitt stk. portfolio því núna var stefnan sett á að sækja líka um í LHÍ og í einum skóla í Bergen sem að ég hafði aldrei heyrt um.

-Apríl. Eftir allt verkefna-og umsóknabrjálæðið í mars tók við aðeins rólegri mánuður þar sem ég tók að starf aðstoðarljósamanns í Stúdentaleikhúsinu. Öll sú vinna og félagskapurinn þar á bak við var mjög skemmtilegur og kærkominn tilbreyting frá fyrri önnum. Þegar líða fór á apríl mánuð fór svo svör að berast frá skólunum og fékk boð um að koma í viðtal í Lhí og svo þessum skóla í Bergen.

-Maí. 1. maí var eytt í Tivolíinu í Köben í 20 stiga hita (það hafði snjóað vikunni áður í Rvk). Frá Köben lá svo leiðin til Bergen þar sem að ég átti að mæta í viðtal 3 dögum seinna. Ég hafði aldrei komið til Noregs áður en vissi þó að Svein, Torbjörn, Annie og Erlend bjuggu þarna. Ég fékk gistingu á YMCA farfuglaheimili þar sem ég deildi herbergi með 4 ókunnugum mönnum. Vikunni áður en ég fór út hafði ég farið í viðtalið í Lhí og eftir það áttaði ég mig á því að það hefði ekki gengið nógu vel svo að ég ákvað að gera mitt allra besta í þessu viðtali. Ég hafði aldrei talað norsku áður, aðeins lært dönsku og verið mikið í Svíþjóð, en tungumálið sem að ég held að hafi talað í viðtalinu var mesta bull sem að ég hafði nokkurn tímann látið út úr mér. Eftir viðtalið hafði ég mun betri tilfinningu en eftir Lhí viðtalið og til að gera söguna styttri þá fékk ég aðeins inngöngu í Noregi og tók ég þeirri inngöngu (eins og flest ykkar ættuð að vera búin að ná)

-Júní. Hæ hó og jibbí jei eða ekki. Þessi mánuður einkenndist af mikilli vinnu og stanslausu stredderí um helgar punktur

-Júlí. Hérna er komið sumar. Í byrjun mánaðarins var ég fengin í það að passa íbúð Daggar frænku minnar niðrá Háteigsvegi. Heil íbúð algjörlega bara fyrir mig í 3 vikur ó je en því miður fylgdi því einn mikill ókostur. Ég þurfti að passa kött í leiðinni. Kettir eru ekki mitt uppáhald auk þess sem ég er með ofnæmi fyrir þeim. Ég hóaði í græjustrákana mína þá Jón Eðvald og Björn Leó og breyttum við herberginu hans Darra frænda míns í eitt besta stúdíó en samt afkastaminnsta í leiðinni sem fannst í kílómeters radíus. Dvölin á Háteigsveginum var afar lærdómsrík þar sem að ég lét reyna á eldamennsku mína og aðra búsiði fyrir landflutningana. Þegar íbúðargæslunni á Háteigsveginum var lokið tók hýbýlapössun fyrir foreldra mína í 2 vikur. Þessi mánuður var afar skemmtilegur og stendur hann upp úr árinu 2006.

-Ágúst. Þann 4 þess mánaðar reif ég BYKO-bolinn af mér og hljóp út úr timbursöluna með látum fagnandi starfslokum mínum þar. Við tók góð Verslunarmannahelgi og lítið sumarfrí áður en ég myndi byrja í skólanum (soldið skrítið að vera að flytja að heiman og afar blendnar tilfinngar sem ég tók tíma í að vinna úr). Þann 19. ágúst varð ég 21 árs og tilefni þess hljóp hálft maraþon (21 km) í Rvk-maraþoninu. Um kvöldið var svo köku-og kveðjuveisla þar sem að gestir þurftu ótt og títt að týna buxunum og "drink that shit". Svo komi stóri dagurinn
þann 23. Þá sagði ég bless og farvel Ísland og heia Norge her kommer jeg.

-September. Allan mánuðinn lifði ég á eyjunni Utsira. Fyrsta helminginn í tjaldi úti við sjó ekki nálægt byggð og seinni helminginn í skreiðhúsi sem var ekki upphitað. Lærdómsmesti mánuður lífs míns þar sem verkefnin voru unnin allan daginn og stundum endurtek stundum farið í bað. Eftir þessa ferð var norskan ekkert vandamál.

-Október. Þarna vorum við að koma í fyrsta eiginlega skiptið í skólann. Við fengum tómt rými sem að við fengum til afnota fyrir workshop og þurftum við að smíða allt og redda sjálf. Um miðbik mánaðarins fengið við svo fyrsta stóra verkefnið okkar og frú Erla kom í heimsókn með skyrdollur. Mömmuheimsóknin var afar skemmtileg og góð tilbreyting að fá almennilegan mat og smá fatastyrk. Verkefnavinnan náði hámarki undir lok mánaðarins og lauk svo með gegnumgangi þar sem að ég fékk misgóð komment frá kennurunum.
P.s. Ekki má gleyma henni Ollu (sem er á öðru ári í skólanum )og Ingþóri hennar sem að tóku frábærlega á móti mér og mömmu minni þegar hún var hérna. Án þeirra hefðu hlutirnar aldrei verið jafn auðveldir að komast í gegnum til byrja með (auk þess sem að Olla er góður kokkur og ég fæ alltaf ís þegar ég heim í heimsókn til þeirra)

-Nóvember. Byrjuðum mánuðinn á annarri ferð á svokallað Söviktun þar sem við vorum að mæla upp og stúdera svokallað Tun-þyrpingu. sú ferð var fimm dagar og ef að við (bekkurinn) höfðum ekki kynnst nógu vel á Utsiru þá gerðum við það ennþá betur þarna. Eins og í októbermánuði var stanslaus verkefnavinna þangað til loksins við fengum viku lestrarfrí fyrir svokallað Ex. Phil. Í þeirri viku stalst ég heim til Íslands og tók á móti mér ekkert nema kuldi og leiðindi (bílslys) og jú vinirnir líka (sem að ég voru að því er virtist ekki eins ánægðir að sjá mig eins og ég þá!!!) Þó svo að norskan tungumálið væri ekkert mál fyrir mig að tala þá var það annað mál að lesa. Þess vegna féll ég á prófinu sem að hefur engan annan löst nema að ég tek það bara aftur næsta haust.

-Desember. VERKEFNAVINNA VERKEFNAVINNA VERKEFNAVINNA VERKEFNAVINNA VERKEFNAVINNA VERKEFNAVINNA VERKEFNAVINNA VERKEFNAVINNA VERKEFNAVINNA og það með leiðinlegasta kennara sem að ég hef kynnst Húbba búbba. Sú vinna stóð allan mánuðinn og þann 20. des mætti ég í skólann, talaði við kennarana og fékk yfirferð á verkefnunum mínum og fór upp í flugvél strax eftir það. Í þetta skiptið voru vinirnar aðeins ánægðari að sjá mig og ég þá. Jólin komu og fríinu mínu hitti ég ALLA meira að segja fólk sem að ég hef ekki séð í mörg ár og afar gaman hitta alla aftur. Ég prófaði rautt eðalginseng í fyrsta skipti sem leiddi til þess að ég vann í Trivial Pursuit í fyrsta skipti á ævi minni (réttara sagt rústaði með hjálp nokkurra góðra einstaklinga). Sem betur fer var gamlárskvöld/nýársnótt betri í þetta skiptið og vona ég að árið 2007 reynist mér og öllum gott.

Tusind Tak

Anskotans! Ég finn bara einn eyrnatappa.

2006-12-14T00:58:00.000Z

Núna er verið að hrópa fyrir utan dyrnar mínar "Show your dick, show your dick". Ég er nokkuð viss um að það sé ekki verið biðja mig um það. Klukkan er 2 og ég sem að ætlaði að reyna að fara snemma í háttinn en nei nei. Verslunarháskólanemar sem að voru að klára prófin eru búnir að leggja hæðina mína undir sig og eru að dúndra Apollo Four 40 í botn (og sýna á sér skaufann í leiðinni, kannski ég ætti að hlaupa út úr herberginu nakin og þykjast vera Sportacus svona rétt til að kynnast þessu yndæla fólki). Jæja það er nú ekki mikið sem að ég get sagt frá hérna núna nema að allt er á fullu í skólanum og mig langar til að snoða Visuell Struktur kennarann minn (hún er kvk þannig að það er verra en ef þetta væri kk). Síðan kem ég heim á miðvikudaginn næsta og þá eru einmitt flestir að klára prófin í háskólanum og það litla sem eftir verður af viti okkar verður drukkið út bíst ég við. Jón Bjarni og Hjörvar ætla að gerast svikarar um áramótin og eyða þeim nær miðbaug en vanalega (jafnvel að Nonni stelist til að fara á næturstaði á gamlárskvöld). Mikill missir þar en hvað með það ég þekkji alveg fleira fólk sem að heldur upp á áramótin á Íslandi. Annars er ég núna búinn að setja inn fleiri myndir á myndasíðuna mína þ.a. njótið. Jæja þá er ég farinn að velja mér hnífa til að sína frakkanum sem er fyrir utan dyrnar mínar.

UPDATE: ástandið er víst eins í allri blokkinni. Þannig að er spurning hvort að maður missi sig í HERPESPARTY á 3. hæð núna. óje

Hvað ertu með í vasanum Pétur?

2006-11-26T22:00:00.000Z

Svar: Klósettpappír.
Næsta spurning, hvar fékkstu hann?
Svar: Í innflutningspartýi hjá bekkjasystur minni?
Af hverju varstu að stela honum?
Svar: Af því að áður en ég fór út úr íbúðinni minni fattaði ég að allur pappírinn væri búinn og setti ég mér það að markmiði að fara í bæinn og taka klósettpappír með mér heim! Ég svara ekki fleirum spurningum.
Já það er mismunandi hvaða markmið fólk hefur en í mínu tilfelli þessa vikuna og sérstaklega þessa helgi þá hefur nakta konan verið að leita eftir rokki til að spinna. Sem dæmi átti ég örbylgjuofnshafragraut sem að mamma mín kom með fyrir mánuði síðan ásamt flugvélabaileysflösku. Hafragrauturinn nýttist sem sagt sem kvöldmatur en þar sem að ég átti engann sykur og hafði mikla þörf fyrir einhverju sætu tók ég hálfa flöskuna og skellti út á diskinn. Útkoman er e-ð sem að allir verða prófa. Síðasta "pródjekt" fyrir jól var sett fyrir af rektor á föstudaginn og verður væntanlega stanslaus vinna fram að 20. des þegar við eigum að kynna verkefnið okkar og ég blekkji alla og stelst til þess að flýja Noreg á sama tíma. Mig hlakkar til að koma aftur heim en samt ekki svo mikið og fyrir tveim vikum síðan en það er annað mál.
Í dag fór ég svo á Íslendingakaffi hjá Íslendingafélaginu í Bergen og ætla ég ekkert að ræða um það hér. Brrrr.
Ég vil óska Darra frænda mínum til hamingju með 9 ára afmælið sitt í dag og einnig Sveinba sæta sem varð 22. Og svo að lokum fyrir alla æstu aðdáendur mína eru komin ný demo á myspacesíðuna mína.
-------------------------------------------------------------------------------------------------
Verið að reyna selja mér köttinn í sekknum um borð í bát
Slave - Just A Touch Of Love og videoið
Zero 7 - Give it Away og live video (ég verð alltaf 15 að verða 16 ára þegar heyri þetta og hugsa með rómans aftur til garðvinnunar á Grund þegar lífið var svo einfalt.)

Heim sæti heim og aftur tilbaka

2006-11-21T14:35:00.000Z

Jæja þá er ég búinn að fara í prófið góða Ex. Phil. (öllum spurningum um það verður svarað með skemmtilegum útúrsnúningi, látið bara á það reyna). Það sem meira er þá er ég búinn að fara til Íslands og kominn aftur tilbaka. Engar mellur í þetta skiptið í Osló að bögga mann bara jólaskraut. Ferðinn til Íslands átti að nýtast til prófalesturs og sem betur fer fór einhver í það en það var takmarkað hvað ég var skilja (allt á norsku). Auðvitað átti ferðinn líka að nýtast í það að hitta fjölskyldu sína og vini.
Fyrsta daginn fór ég á leiksýningu hjá Stúdentaleikhúsinu sem að heitir Þú ert enginn Johnny Depp. Helsta ástæðan var sú að Bjössi var að leika þarna og stóð hann sig vel og var sýningin frekar áköf og mikið um líkamleg átök. Mér tókst að lifa mig algjörlega inn í leikritið (sat á fremsta bekk) og líða bara andskoti illa. Talandi um líkamlegu átökinn þá fékk hann Kolli (leikari af góðri náð í sýningunni) gat á hausinn og sviðið var allt í blóði. Þetta var eitthvað sem að gaf því miður sýningunni meiri trúverðugleika og gerði hana betri. Kolli kláraði sýninguna og að henni lokinni var hringt á sjúkrabíl vegna þess að það leið yfir hann. Sem sagt drífið ykkur í Austurbæ að sjá þetta stk.
Á fimmtudeginum fór ég með Sir Jóni Bjarna eða Konungi Ógeðislands á fyrirlestur um Einar Sveinsson arkitekt í tilefni aldarafmælis hans í Listasafni Reykjavíkur. Ég og yðar hátign vorum báðir ánægðir kaffið í Hafnarhúsinu og fengum okkur nokkra bolla og fylgdumst með af ákefð og ástríðu. Síðan pikkuðum við upp Hjöbba, Egil og Bjössa til að fá okkur í fimmtudagsöl niðrí bæ en þegar þangað var komið var það mál manna sú hugmynd mín að ganga smáspöl í Austurstræti væri álíka heimsk og að halda að Bergen væri í Svíþjóð af því að Bergen hljómar svo sænskt (ég sagði alltaf Bergen urrr). Já veðrið á Íslandi var ömurlegt. Á föstudeginum fór ég heim til Jóns Eðvalds á Vesturgötuna og hitti meðleigjanda hans Atla Viðar og vin hans Hitler (án gríns þá heitir hann það núna vegna þess að hann sagði mér aldrei alvöru nafnið sitt). Gleymdi að minnast á vöffluboðið hans Jóns á miðvikudeginum og umræðunni um nauðgunarbylgjuna sem gengur yfir Ísland núna (fékk mig til að langa flýja land strax en þetta er ábyggilega líka svona í Noregi en bara þegar þetta er orðið svona nálægt manni þá fyrst fer maður að íhuga þetta). En aftur að Föstudagskvöldinu þá drukkum við marga bjóra hjá Jóni og ennþá fleiri í Barmahlíð þar sem að Stúdentaleikhúspartrý var í gangi. Eftir marga bjóra var kominn tími til að dansa en því miður var ég bara einn um það og afar þvoglumælt spyr ég fólkið í kring hvar mjaðmirnar þeirra séu. Ein stelpukind misheyrist soldið og heldur að ég segji melónurnar og finnst að ég sé að gera litið úr henni og reyndi ég að útskýra fyrir henni að það væri miskilningur. Hún skildi það en hélt samt sem áður að bögga mig með því að líkja mér við ömurlega karlrembu og ég fór í fýlu og sagði bless við alla (þegar ég var búinn að skella hurðinni fóru víst allir að hlægja). Í bænum hitti ég Egil einhvers staðar en við munum ómögulega hvar og einnig Guðnýju Helgu. Egill var tilbúinn til að ganga í skrokk á hverjum sem er eða það er Guðnýju og mér. Eftir stutt stopp í bænum var síðan tekinn leigubíll heim. Á laugardeginum fór að snjóa og lenti ég og Micran mín í árekstri sem betur fer meiddist enginn alvarlega og var hann ekki harkalegur. Micran kom betur út slysinu heldur en Golfinn sem að stelpan ég klessti á var nýbúin að fá. Það var bömmer og vona ég að allir hendi nagladekkjunum sínum á sem fyrst. Jæja ég held að ég geti ekki skrifað meira í bili. Það er innan við mánuður þangað til að ég kem aftur til klakans eða þann 20. des.
Það fara fleiri myndir héðan úr Noregi að detta inn og jafnvel ný demo á Myspace síðuna mína kannski fyrir helgi.
Ta det ljungt
Pablo de la Rosa
------------------------------------------------------------------------------------------------
Belle & Sebastian - If She Wants Me
El Perro Del Mar - God Knows (You gotta give to get)
Dungen - Festival

Danir teknir fyrir af Norðmönnum (þakkir til Dodda)

skammastu þín

2006-11-11T10:52:00.000Z

Hvað gerðist á milli 31. ágúst og 11. nóvember? Allt of margt svo að ég hafði hreinlega ekki getu né möguleika til að skrifa neitt hérna. Ætti í rauninni ekki að vera skrifa hérna núna en ég er að bíða eftir þvottavél. Jæja en hvað með það? Það sem að hefur gerst á þessum tíma er:

-Ég bjó á minnstu kommunu Noregs, eyjunni Utsiru, í 4 vikur (þar af 2 vikur í tjaldi) í tengslum við verkefnavinnu í skólanum. Afar mikil lífsreynsla.
-Verkefnavinna, verkefnavinna, verkefnavinna, koma sér í norska kerfið, sækja um bankareikninga (þeir kunna það Norðmenn að gera hlutina flókna), verkefnavinna
-Fékk loksins internet á herbergið mitt eftir 2 mánuða ráp á milli fokdýra netcafé
-Verkefnavinna á svokölluðu Tun-i (lítil húsaþyrping sem var algeng á 19. öld sem oft þróaðist út í þorp) þar sem við vorum að mæla upp og stúdera umhverfið í 5 daga.
-Búinn að göltrast aðeins 5 sinnum og aðeins einu sinni kíkt í bæinn hérna í Bergen (það voru viss vonbrigði því allt lokar klukkan 3).
-Búinn að fá mömmu í heimsókn

Og þar hafiði það. Í næstu viku er lestrarvika í skólanum fyrir Ex. Phil og flestir sem eru með mér í 1. bekk ætla að hitta fjölskyldur sínar, fara til útlanda, halda inn í e-n fjörð og surf-a eða búa til börn og hlusta á Prince í leiðinni (Purple Rain, Purple Rain). ÞESS VEGNA ER ÉG Á LEIÐINNI HEIM TIL ÍSLANDS og ætla að lesa heima í Grænumýri eða á Bókhlöðunni (sé þetta alveg fyrir mér: e-r:,,Hey Pétur áttu ekki að vera í Noregi að lita í litabók?", ég:,,He he, jú!" og síðan segji ég ekkert meir því að ég er svo töff og viðkomandi sem spurði fer hjá sér og fer að efast um sjálfsálit sitt)
Þangað til næst hafiði það gott
Pétur (þýðir klettur á forngrísku) Blöndal (svona dalur sem að þú getur blandað hlutum saman í)

------------------------------------------------------------------------------------------------
Þórir Baldursson - Syrpa 2 (Bláu augun þín, Hún er svo sæt, Þú og ég) tekið af plötunni Íslenszk dægurlög.
Algjör draumur í dós. Hljómar eins og Burt Bacharach sé þarna á ferð en nei þetta er hann Tóti úr Drulluvík sem að spilaði síðar inn á plötur fyrir þekkta listamenn á borð við Elton John (aldrei gefið út samt), Donnu Summer, Giorgio Moroder og var virkur stúdíólistamaður fyrir diskóútgáfuna Casanova.

It's always raining! yes?

2006-08-31T10:52:00.000Z

Jæja tha er einn dagur i skolann og busakynning i kvøld. Eg for a tonleika i gær med frønsku frændum okkar i Phoenix. Hljomsveitin var fin en je-dudda-mia hvar norsarar eru lelegir ahorfendur, taktlausir og thurrir. Astædan var kannski su ad thad var enginn tharna undir tvitugu og meiri hlutinn um 25 ara aldur. Fønixmenn toku løg af United (Too Young, If I Ever Feel Better, Funky Squaredance), Alpabetical (Everything is Everything, Run Run Run, I'm An Actor) og It's Never Been Like That (Rally, Consolation Prize, Long Distance Call og fleiri sem ad eg kannadist ekki alveg vid) en eg hefdi viljad sja søngvarann adeins liflegri, greinileg einhver threyta i kallinum. Eg sat a Torgsallmeningen herna i fyrradag og var e-d ad skissa thegar ad fimmtugur itali sest vid hlidina a mer og segir: "It's always raining! Yes?". Eg svaradi honum jatandi og vid byrjudum ad spjalla saman. Felaginn het Rafael og var kennari fra Milano, hann ferdast alltaf til Nordurlandanna a sumrin og hafdi hann t.d. komid til Islands. Hann var mjøg gjarn a ad henda mig spurningum sem ad endudu a "Yes?" eins og : "Do you hunt? Yes?" "Do you eat meat? Yes?", "Do you like ladies feet? Yes?". Hann endadi sidan samtalid a ad segja "you're very sympatic to talk to. It's nice to have friends, also girlfriends. Thank you and Ciao". Afar skemmtilegur madur tharna a ferd. Jæja tha eru 2 dagar i ferdina mina til Utsiru med argangnum minum i skolanum. I fyrra voru vist ekki allir ad na saman og slogust. Eg vona ad thad verdi ekki svoleidis. Eg kem aftur 29. september og tha verd eg kominn med netid upp a ibud og hendi inn myndum. Hafidi thad gott a medan.
ps enginn tonlist i thetta skiptid. Er ad netcafe

Heyja alla samman...

2006-08-25T09:50:00.000Z

Jæja tha er guttinn kominn til Bergen og staddur nuna a netcafe vid Trogsallmeningen! Lenti i ævintyri i Oslo thar sem eg og pabbi millilentum. Vid vorum i veseni med toskurnar og bara misstum hreinlega af velinni okkar ut af miskilningi. Vid thurftum thvi ad bida i Oslo fra kl 23 til 6 thannig ad eg og pabbi skelltum okkur i bæinn (nota bene ad nottu til). Thar toku a moti okkur ekkert nema mellur og leigubilstjorar/dolgar og var kallad a eftir okkur oftar en einu sinni "hey darling, looking for fun?" og meira ad segja held eg ad tvær mellurnar hafi reynt bjoda okkur fedgatilbod en vid thadum thad tvi midur ekki (hvad ætti pabbi ad segja mømmu thegar hann kæmi heim?). Thannig ad reynsla min af Oslo er ømurleg ætla eg aldrei thangad aftur. Eg fekk herbergid mitt a Hatleberg afhent i gær og var ibudin adeins minni en eg bjost vid (their sem ætla ad koma og gista hja mer verda bara ad "spoon-a". Eg er enntha ad bida eftir ad internettengingu inna herbergi. Eg er buinn ad hitta 3 straka sem eru med mer a gangi tha Jon fra Drammen (herna i Noregi), Lars (sem var svo sveittur og modur ad hann tok bara i høndina mina og for) og Sascha fra Austurriki. Sem sagt engar jentur a ganginum minum ;( . Eg er buinn ad hitta eina Islendingin sem ad eg veit ad er i sama nami og eg thad er hun Olafia en hun er a ødru ari herna i BAS og hun ætlar ad hjalpa mer ad koma mer inn i hlutina herna uti. I dag er buinn ad vera skra mig i landid og fyrir mig sem Islending er thad ekkert mal. Eg er lika kominn med tvø norsk simanumer svo ad thid getid hringt i mig thegar thid erud full og bøggad mig. Thau eru eftirfarandi:
Beinn simi a herbergi: 0047 55957412
Gsm simi: 0047 97704078
sidan er eg med islenska numerid mitt lika en plis ekki hringja i thad thvi ad tha tharf eg ad borga.
Heimilisfangid mitt er:
Hatleberg Studentboliger
Hatleveien 5A (ibud 112)
5041 Bergen
Norge

Har det bra

_________________________________________________________________

Eg neyddist nu til ad styrkja heimabæinn minn vist ad eg er kominn hingad til Bergen og eg keypti mer nyjustu afurd Erlends Øye thad er

Farvel

2006-08-14T15:18:00.000Z

Jæja þá eru 9 dagar í brottför hjá mér og 5 dagar í það að ég verði 21 árs. Mér finnst ég eiga eftir að gera svo margt en samt ekki. Það sem er ábyggilega það stærsta sem ég á eftir að gera er að kveðja alla og þess vegna ætla ég að halda afmælis/kveðjuveislu laugardaginn 19. ágúst handa vinum og vandamönnum. Tímasetning kemur síðar í ljós. Endilega kommentið ef að þið hafið spurningar um hvort að þið séuð velkomin/n eða bara e-ð
_____________________________________________________________________

Þetta blogg sem ég mun koma til með að halda uppi á meðan ég verð úti verður ekki bara babblið í mér heldur líka tónlistarblogg. Fyrstu lög þessarar síðu verða :

Labi Siffre - I Got The

(Verðlaun sem að getur sagt mér hvað er merkilegt við þetta lag)

Peter Bjorn & John - Young Folks

Nýtt og ferskt Svía-indie-folk-rokk.

Þetta er ekki í fyrsta skipti en samt...

2006-07-31T01:28:00.000Z

Jæja í tilefni þess að ég er að fara að flytja til Noregs eftir 22 daga hef ég sett upp þessa síðu svo að vinir og vandamenn og jafnvel ógeðsleg blogg-stalk-case geti fylgst með og fengið fréttir af dvöl minni á Hatleberg-stúdentaíbúðunum. Ég hef þetta ekki lengra í þetta skiptið þar sem ég að fara að vinna í fyrramálið (jafnvel í síðasta skiptið!!!)

Ciao
Rock Mixvalley Magnificentson